وصفي غريبٍ شايفٍ لـه غريبـه
وصفي غريبٍ تايه بيـن الاغـراب
قالو قريبه ..قلـت ماهـي قريبـه
الا غريبه وابعـدت كـل الاقـراب
لو غبت عنها جيت لاجـل التقيبـه
واقول غبتي .. لكن الشوق ماغاب
في عيني تحلا كل ماشفـت عيبـه
حـرام والله مابهـا شـي ينعـاب
شفته وشفت الطيب من زود طيبـه
شفته وزاد الشوق من زود الاعجاب
يكفي هواه القلب واصبـح نصيبـه
يكفي أشغلت بالي ولاعنه قد غـاب
لا هي طبيبـي لا ولا نـي طبيبـه
بس المشاعر لا لتقت كل شي طاب