[جورج العجمي]

السلام عليكم ورحمة الله وبركاته:


حـــان الــــوداع ولابــقــى لـلـعـتـب دور
الله لــنـــا وفــجـــوج ربـــــك وســـاعـــي

دام الزمالـة ماهـي احـسـاس وشـعـور
**ما لزماله بــعـــد هـالــيــوم داعــــــي

قلـبـي عـلـى المقـفـيـن مـاهــو بمـقـهـور
من بـــاع للـعـشـرة مـصـيـره يـبـاعـي

لا تـعـتـذر مــــادام صـاحـبــك مــســرور
اللي عـلــى شـانــه بـذلــت المـسـاعـي

يبـقـى رفيـقـك وانــت بالـفـعـل مـعــذور
يمشي علـى ماقـلـت وامــرك مطـاعـي

دامــه عـلــى مـاقـيـل مـنـهـي ومـامــور
بدري عـلـى شـــرواك لـويــت ذراعـــي

فنجالـك اللـي سقـت مــن يــدك منـثـور
لا صار مــنــتــه لـلـزمــالــه مـــراعـــي

مــن يـخــدم الانـــذال مـاهــو بمـشـكـور
ومن يـزرع الصبخـا جـداه الضيـاعـي

تــــوّي لـقـيــت لـعـلّــه الــنــذل دكــتـــور
البعد عــن شـوفــه يـزيــل الـصـداعـي

مافـيـه داعـــي ينـفـضـح كـل مـسـتـور
عيني تشوف الـدرب والقـلـب واعــي

نــور الحقـيـقـة بـان والـعـلـم مـخـبـور
شفت السباع وشـفـت روس الأفـاعـي

مـا كنـت اصـدق فيـك ياضـايـع الـشـور
دايم**وانـــا دونــــك مـكـثّــف دفــاعــي

افلح قبل يضربك رمحي على الزور
و الحق خــويــك يـاحـلـيـب الـمـراعــي

عـيـن بـكـت فـرقـاك تـحــرم مـــن الـنــور
لا تنتظر بــعــد الــــوداع اجـتـمـاعــي


لشاعر رشيد الفريدي