من لا يحسب لليال المقابيل =تحمله دنياه ما لا يطيقه
ومن صدق الاخبار في كل تفصيل =يضيع ما بين الوهم والحقيقه
والحق سيفه لا صطى عدّل الميل =والفعل شاهد والمواقف وثيقه
والصدق يلقى في طريقه تساهيل =ما فيه حاجه تعترض في طريقه
والكذب مهما كبرته الدهاويل =عزمه ضعيف وكل عارض يعيقه
والناس فيها فرق بالحال والحيل =والفرق حتى بالشقيق وشقيقه
وللطيب بصدور النشاما مداهيل =مثل الدرر جوف البحور العميقه
للشاعر خليل بن هدلان