السلام عليكم ورحمة الله وبركاته
الاخ العزيز الا الدستور اشاهد لك نشاط في هذا القسم بالذات وكثرة مواضيع ولكن للأسف اغلبها يفتقد للموضوعيه ويحتاج منك اعادة النظر فيما تود كتابته قبل ان ينزل في المنتدى.
فعلى سبيل المثال انت هنا لم تنتقد النائب ولكن انتقدت من يدافعون عنه في المنتدى مع ان هذا مخالف لبمادئ النقد وانا اخوك ... فأنت تنتقد الشخصية العامه على مواقفه ولا لك حق تهاجمهم وكأنهم ند لك في المنتدى .. ولا ننسى ان هذا القسم مخصص لمتابعة اداء النواب وليس للتهجم على احد.
ولا تنسى ان كنت ترى ان الصيفي او الطاحوس مواقفه جيده فغيرك احتاجهم في مواقف صعبه مثل علاج بالخارج او اي واسطه في الدوله وماسوو لهم شي.
بينما الحويله والعدوه واللي نختلف معهم في مواقفم السياسيه ولكن على مستوى المنفعه للقبيله فهم اكثر الناس اللي نافعين العجمان من علاج بالخارج او توظيف او اي واسطه.
انا هنا لا اتحدث بلساني ولكن اتحدث لسان من تنتقدهم انت وتقول ليش تمدحون الحويله او العدوه.
وانا بعطيك مثال بسيط.. شخص مؤيد لنواب المعارضه ومعهم قلباً وقالباً وفجأه تعب والده واحتاج علاج بالخارج على وجه السرعه .. شي طبيعي انه يروح للناس اللي هو يدعمهم ويشوف انهم الافضل من بين النواب الاربعه وهم نواب المعارضه..
تعرف ماذا حصل معه ؟؟ مواعيد في مواعيد لمدة شهر وشهرين وياليتهم قالوا مانقدر بل استمروا في المواعيد الكاذبه حتى مل منهم على مدى اربع شهور ثم ذهب الى الحويله وخلال اقل من اسبوعين معاملته جاهزه وابوه حاليا موجود في المانيا والحمدلله صحته في تحسن.
طيب بالذمه شخص مثل هذا وش تبيه يقول؟
وفي النهايه ياليت نخفف من حدة النقد الى وصل الى التهجم والاساءه للأخرين