ماحدن غيرك خذا قلبي غلاه ودشه
يا معني شوقي الزايد على طاريّه
ليتني مثل السحاب وارش قلبي رشه
قبل لوعات الهوى لا تنقلب هيفيّه
والله انه قلبي على طاريك حمل قشه
وما يرده عن وصالك ديرتن محميّه
هاك قلبن ما يبي راعيه تكفى خشه
واخذه بحزنه ولوعاته وجرح وكيّه
وحط صدرك يابعد كل البرايا عشه
لين يكبر في جنابك وتحفظ خافيّه
والله انه ضلعان صدري من فراقه هشه
والعروق الي تحبه روحت عبريّه