التعاسة الأولى
زوجة محبة أرادت أن تفآجئ زوجها فلبست أجمل الثياب وتعطرت بأغلى العطور وتأنقت بكل شي
حضرت العشاء وفرشت الأرض بالورد واشترت هدية له لأنه لم تهديه شيئاً مؤخراً ..
تبدأ الأحداث
تتصل الزوجة : حبيبي لا تتأخر ناطرتك ياقلبي اليوم لك شي سبيشل .
الزوج ويمه ازعاج : اي انشالله خير شوي وعندج .
تجلس الزوجة غارقه بأفكارها .. ساعه .. ساعه ونص ..!
تتصل الزوجة : وينك ياقلبي تأخرت عسى ماشر ؟!! فيك شي ؟!
الزوج ويمه هدوووووووء : اي انشغلت مع الربع قالوا خلونا انمر البحر نغير جو وبعدها بجي البيت .
الزوجة منزعجه : اي أوكي استانس شوي بس لا اتأخر وايد .
تجلس مرة أخرى تشاهد التلفاااز وتفكر بينها وبين نفسها (أي بحر اللي يقول عنه ؟ ويمه هدووء )
ثلاث ساعات .. ولم يأتي الزوج ( يامال الدقم تدقمه وجع والله مو كفو)
تتصل للمره الثالثة : ويييييييينك ؟ (بانزعاج)
الزوج : اشفيج قلتلج مع الربع !! (حجه بحاجه يتهاوش معاها عشان يكمل السهره)
الزوجه : الساعه 4 الفجر ليمتى راح اتأخر ؟!!! أبي يوم فيه تجي البيت مبجر .
الزوج : أقووووول الكلام ضايع معاج يلا سكري ولا تتصلين يللااا باي .
الزوجة تنفجر باكية وتنظف كل شي سوته وتروح اتنام حتى بمكياجها مالها خلق وتبجي على مخدتها ليمن تصير كله كحل ولا درى عنها !!!!
وأكيد هالشي صار لأكثر من امرأة وأكيد الزوج مو عند ربعه عند الحبايب أو منشغل معاهم !!!
هذا حال الدنيا ألحين .. ولا يمكن يكون حال الأم .. الأخت .. الصديقه .. وكل امرأة نعرفها .. !!
وبالأخير تسكت وتنطم لأن الرجل يحب التغييير .. الله خلقه جذي .. !!
يمكن عنده عادي راح يراضيها بسفره ولا مطعم ولا هديه غاليه .. بس صعب المرأة ماتنسى اللي يكسر فيها بس بتسوي نفسها جدامه إنها نست ...!!
أبشع احساس :
أن تكون عاله على من تحب !!!