مــــــــــــــــــــــــــــــــوضوع وايد مؤثر ومهم لكل شخص المتزوج والمقبل علي الزواج الرجوا ان تقبلوا نصائحي لكم ,,وراح اتكلم بالعامه من الي اشوفه في مجتمعنا .
صدقوني لو تفكرون فيها الدنيا ماتسوا تكون زعلان من زوجتك والأ انتي زعلانه من زوجج ,,
لابد يوم من الايام ترحل يالزوج والا انتي يازوجه بعد عمر طويل لكم ..
ما أحد ضامن عمره صح والا لا .
اقولكم قصه والله واقعيه وصارت ,,
وصاحبة القصه نادمه اشد الندم تبكي ليل ونهار ,,
ابي تكون لكم عبره وعضه لكل زوج وزجه ,
تقول صاحبة القصه
كان زوجه عازم أصحابه علي عشاء ,,
طلبوا منه عشاء بيت مو مطعم قال انشاء الله اليله العشاء عندي .
طلب من زوجته تطبخ العشاء لهم .
ردت الزوجه معصبه مالي خلق الطبخ روح خل المطعم يسوي العشاء لهم .
قال ربعي طالبين عشاء البيت لاتحرجيني قدام ربعي يطلب منها .
وهي رافضه ولازالت مصممه علي قرارها ,,طلع الزوج المسكين معصب من البيت .
وهو مسرع بالسياره صار له حادث توفي ,,
لما وصل الخبر لها نادمه ندم علي الي صار الزوجها وانها هي السبب في موته الله يرحمه .
اتصلت علي شيخ قالت القصه له .. قال ما اقدر اقول شي كافي انها طلع منج زعلان ومات خلاص انتهاء ..
للحين هي نادمه ندم شي مو طبيعي ..
الرجوا عدم تعليق علي المراه لان خلاص هي في حاله الله يعينها صراحه .
قال الرسول صلي الله عليه وسلم (( "إذا صلت المرأة خمسها ، وصامت شهرها ، وحصّنت فرجها، وأطاعت زوجها قيل لها.. )
اختي الغاليه اهتمي في زوجك لان هو نارك وجنتك ..حتي لو كان تحملي حتي تنالي الجنه ,
وانت يا اخي الزوج اهتم في زوجتك وعطيها الكلام الجميل والمعامله الحسنه حتي تكسبها.
والله يا اخوان وخواتي الواحد مو مأخذ معه من الدنيا الا العمل الصالحه ..
,شنو يفيد الزعل بينكم ولاتكلمون بعض مافيه فايده والله ,فيه متزوجين يقعدون ايام والاشهر والا سنه مايكلمون بعض ..مايجوز والله تخيلوا لو حضر ملك الموت اشلون تقابل ربكم وانتم ماتكلمون بعض ,,
واقدم النصائح لكم
القواعد الأساسية
عدم كشف الخصوصيات الأسرية أمام الغرباء.
ضرورة التقدير والاحترام المتبادلين.
التخفيف قدر الإمكان من أشكال اللوم والعتاب.
عدم التحدث عن عيوب الزوج (الزوجة) أو الأطفال أمام الآخرين.
وفي النهاية علينا العمل بقدر المستطاع على أن تكون هذه السعادة متبادلة وتسامح , وفي ذلك فن راق للتواصل الأسري يمتن الأسرة ويحصنها ضد مختلف أشكال التفتت والتفكك والضياع
اسفه عالإطاله
الرجوا ان تقبلوا نصيحت اختكم الماسه 
موضوعي مو منقول ,, توني كاتبته ونزلته لكم .
تقبلوا تحياتي
الماسه