[المسك الاذفر]

كنت اظن في وقت مضى اني اسوي الشي خالص لوجه الله بس كنت اتضايق اذا ما انشكرت او اثمرت او انجحدت بالمره فكنت اظن ان مافي اشكال ان الواحد يعمل لوجه الله وللناس بنفس الوقت لدرجة اني كنت احسب ع زوجي كل خدمة اسويها وماشكرها او اكون خايفه اربي عيالي تربيه اتعب عليها واخلص بالاخير ما يحبوني او كنت ابر بوالديني ابيهم يقولون للناس اني احسن عيالهم وما الى ذلك من امراض القلوب ،،
الى ان من الله علي بهداية منزلة من عنده على قلبي بدون اسباب الا اني كنت ادعي طواااال الوقت بالهدايه والخيره وماكنت اقرا او اتثقف دينيا كتب اشرطه وما الى ذلك خصوصا الفترة القريبة الماضيه ماكنت اعنى بشي معين فـ لاني مع اهل الشام ولا اليمن ولا طايله ارض ولا سما كنت مشتته ومالي الا الدعاء ،،
الى ان جا اليوم اللي اقعد فيه من النوم حاسه نفسي تاااافهه ،،سطحيه..تفكير دنيوي بحت،،طموح مادي مجرد،،وين غذا الروح؟؟
روحي ملهوفه تبيني اسمو فيها عن هذا كله ،،

وربي حسيت اني توني شفت الدنيا صح!
توني حسيت اني اسوي الشي ومايضيع لاني اخدم واربي وادرس واعمل واحسن وابر كلها اقدمها لله مو لغيره ،،

كل شي اسويه اتوجه باخلاصه واتقانه لله وحده لا غييييير..

شعور سامي راااائع يبكيني احيانا من الفرحة؟،،

الحمدلله رب العالمين اللي حباني بهالرفعه ،،

والحين خل يجحدني الجاحدون وينكر فضلي الناكرون والله ماعاد يحركون فيني شعره بعد **الآن،.

لينتقصني من اراد فطالما قدمت لله ما استطيع ان اقدم فمنة الناس بتراب..،،