البارحه راسي تصافـق طواريـه
والنوم ماله يمـة العيـن حـروه
يلعب براسي صوت صلف المشاريه
ذيبٍ عوى يبغي عشا أمه و جروه
وأنا على الدنيا من الهيـه للهيـه
ماهمني شهـره ولا جمـع ثـروه
همي وغمي واحـدٍ يـوم الاقيـه
كني عليل وشوفتـه محـو قـروه
ياتل قلبي فالهـوى مـن عراويـه
تل الرشـا دلـوٍ ثلاثيـن عـروه
يتله اللي حامـي القيـض حاديـه
يسقي له إبـلٍ مارعاهـا بكـروه
واليوم هذا يا أولـه ويـن تاليـه
والنوم ماله يمـة العيـن حـروه