[يالله عفوك]

المشاركة الأصلية كتبت بواسطة حلو العذاريب

يالبالغ سياسيا كل كلامك اللي قلته لي مراوغه وبدون ادله انا عطيتك امثله وانت ماعطيتني ولا مثال وبعدين يوم تقول خدمة الوجيه الطيبه انت تقصد معاملات اذا هامك المعاملات فالحويله والعدوه اكثر معاملات ؟؟؟؟
وبعدين شنو المواقف اللي سواها الصيفي وشارع اللي على قولتك مهيب اختياريه وبعدين المواقف اللي انا ذكرتها لك البرغش استجوابه قدمه يوم شاف الغلط قدامه ولاهمه مصالحه الشخصيه وانحل المجلس عشانه والطاحوس قضية ام الهيمان كانت من ضمن برنامجه الانتخابي ويوم صار عضو وفى بوعده وبعدين السالفه الاهم مناصب العجمان النقابات محد تكلم فيها الا الطاحوس هاذي بعد اختياريه ؟؟ والسالفه الاخيره سالفة عمر العجمي والتهديد محد تكلم ودافع عنه من نوابنا الا الطاحوس هاذي بعد اختياريه انا كلامي واضح ولازلت اقولها البرغش والطاحوس تبنو قضيه سياسيه ولاعليهم اي ملاحظات وبعدين عشان فصاحة الكلام تعذرب النائب اللي ودك تعذرب دامها كذا ابومنصور مع الاحترام له ماعنده فصاحة اللسان لان توه جديد وهذا موعيب وبعدين الطاحوس طرحه اقوى من شارع رجال نقابي ويحضر ندوات دايم خل شارع يتكلم بندوه وخل الطاحوس يتكلم شوف منو اللي بتنتبهله الناس
نهاية كلامي انت لاعب محترف ومراوغ انت السالفه كلها بالموضوع لايهمك لاالصيفي ولا ابن شرفان كل الدعوه عشان شارع بن ناصر تبي تمجدله باسلوب غير وتبي تشبك بين الطاحوس والصيفي والدليل يوم سالتك عطني مواقف الصيفي قلتلك بخلي الاخوان يردون عليك وشارع بكتب عنه سيره ليش ماسويت للصيفي نفسه صدقني انا مااهضم حق الرياجيل نفسك اللي تبي تعذرب ولالقيت شي اقنعنا بموقف بشي ماعندك وبعدين شارع ونعم فيه ورجال دش المجلس بوجه ابيض وطلع بوجه ابيض غض النظر عن الكلام اللي كان ينقاله الكرسي والوفد ماعلي من هالكلام شارع مواقفه تشرف لكن للاسف ماراح ينجح مره ثانيه واذا نجح من المستحيلات السبع مو اقولها كرها لشارع الا والله حبي له

اولا :
للاسف يا اخوي حلو العذاريب الواضح من كلامك انك مافهمت قصدي، والدليل انك تقول ان قصدي في خدمة الوجيه الطيبه هو عن طريق المعاملات، وانا لم اقصد ذلك اطلاقا.
وانما قصدت انه اذا وقع احد في مشكلة فانك سوف تجدهم معه ويسعون في امره الى ان ينهون المشكلة. وبعدين كثر الله خيرهم حتى على المعاملات.

ثانيا:
المقصود بالغير اختيارية = على سبيل المثال بعض القوانين التي يقرها النائب او يقدم طلبا في اقرارها، بعد ان بحث فيها بنفسه.
اما الاختيارية = فهي لاتعتبر مواقف وانما تكون ردة فعل، وكما قلت انت عندما دافع البرغش عن ام المؤمنين - رضي الله عنها- ، فهو لم يفعل شي مميز، وانما قام بواجبه فقط، وتقديم البرغش للاستجواب ماهو الا تحصيل حاصل لان المجلس كان بطريقه الى الحل، فرأى ان يقدم هذا الاستجواب لكي يذكر اسمه فقط. نفس الشيء لقضية ام الهبمان ( الكثير من النواب تبنوها) ولكن السؤال هتا : هل حلت القضية ام لا ؟ اذا لاتعتبر انجازا لهذا النائب لانه من السهل ان تتبنى قضية، ولكن ليس من السهل حلها.

ثالثا:
الصيفي قد لا يملك فصاحة اللسان المطلوبه، ولكنه لم يعتلي المنابر ويصرخ بأعلى صوته ( والمايكرفونات موجودة !!!!) في كل شاردة وواردة، وانما انجز بصمت وقلة كلام، ( وخير الكلام ما قل ودل).
اما الطاحوس، فهو يصرخ في كل شاردة وواردة، ويلعب بمشاعر الناس، ففي الصباح يسعى في امور ولكنها تفشل، ويعود في المساء للندوات ويضرخ بأعلى صوته، وهذا يسمى (تأجيج الشارع) وهذا ما لا نريده، وعلينا ان نتعظ من البلدان المجاورة.

رابعا:
اما سالفة اني مرواغ، فهذه تعتبر وجهة نظرك، وانت حر فيها.
وقصة تمجيد شارع، فهي قصة عارية تماما من الصحه، وانا لم اكتب الموضوع الا ردا على كلامك، وهذا يعني انك لو لم تقل ما قلت، لما كتبت اتا الموضوع اساسا.
ولم اكتب موضوع بالصيفي لان الصيفي عضو حالي والجميع يعرف مواقفه، اما شارع فالبعض يجهل مواقفه بحكم انه كان نائبا (1992-1996)

خامسا:
ممكن تفسر لي كلامك عندما قلت ( شارع مواقفه تشرف لكن للاسف ماراح ينجح مره ثانيه واذا نجح من المستحيلات السبع مو اقولها كرها لشارع الا والله حبي له )
كيف حبا فيه، وانت تجزم بأنه لن ينجح، مع العلم بانك اعترفت بأنه دخل شريف وطلع شريف !!!

وشكرا