.
مرحبا ياللـي الـى غاب..ماغيـره ينـوب
وان حضر..سجل حضوره على صدري وسام
مرحبا جعل العمى..يعمـي عيـون الكـذوب
جعل رزق اغلى عياله..مـن ايديـن العمـام
طلتك غيـث تحـدر علـى جـرد الـدروب
وارتوى منـه ضمان..يخيلـه حـول عـام
انت في صوبٍ لحالك..وخلـق الله بصـوب
لو لحقني مـن هـل العرف..منقود..ومـلام
كان عرفك صـار ذنبي..تحاليـت الذنـوب
دامها منـك: علـى صاحبـك برد..وسـلام
صبك الله بين حدب المحاني..صـب كـوب
وارتويتـك بيـن حب..ومهابه..وأحـتـرام
واحتويتـك بالغلا..مـن شمالك..للجـنـوب
وطوع الله خافقـي لك..بـلا سرج..ولجـام
لين قمت اذوب بـك ذوب..وافـوادي يـذوب
مثل ماذابت حـروف الغـلا لك..بالكـلام !