/
انصـحـوا راع المشـاريـف عنـهـا يستخـيـر
كـان فـي قلبـه مـن الـوقـت جــرحٍ مـابـرى
اشـهـد ان الـرجـم تشريفـتـه شـــرٍ شـريــر
كــم صـبـورٍ دمــع عيـنـه ليـاشـرّف جــرى
يـتـذكــر والــطــواري بــراســه تـسـتـديــر
خـل ، والا رَبــع ، والا مشاكـيـل قـصـرى
والله انــي قـبـل لاجـيـه وانــا الـلـي بخـيـر
مـيـر هــذي دبــرة الله وهــذا الـلـي جــرى
يــوم عـديـتـه تـذكــرت لـــي شـــيٍ كـثـيـر
الـوكـاد ان فـيـه شــيٍ عـلـى بـالـي طـــرى
ياوجـودي مثـل وجـد الغنـي لاامسـى فقيـر
العـمـر مقـفـي ولاعـــاد عـــن فـقــره ذرى
من هجوسٍ ولعت نارها في اقصى الضمير
نارهـا قامـت تـسـارج مــن الـحـدب وورى
وآهنـي خالـي الاحاسيـس ابـو قـلـبٍ كبـيـر
تمـضـي الايـــام وآلـخـبـل عـنـهـا مـــادرى
/