آمـــر تــدلــل دام فــرقــاي تـرضـيــك
بحاول انسى ما حصـل منـك وانسـاك
وش عاد ابي منّك عقـب كلمتـك ذيـك
برحـل مـادام انهـا برغبتْـك وارضـاك
اوعــدك بمـسـح كــل شـــيٍ يـطـريّـك
الاســــم والـرقـمـيـن هــــذا وهــــذاك
مـا شفـت منـك غـيـر كـثـرة تجافـيـك
ولــولاك انــا طـيّـب ومـرتـاح لــولاك
كانـك مـع غـيـري عـسـى الله يهنـيـك
مبـروك مـا دبّـرت مبـروك مــا جــاك
تدري وش اكثر شي مستخسـره فيـك
اكبـر خسـاره ضيـعـة الـوقـت وايــاك
يـا جعـل مـا جانـي مـع الوقـت ياتيـك
وتشوف ايلا اقْفـى منْـك خلّـك وخـلّاك
وشف منهو اللي في ظروفك يراعيـك
وشف من يجيك ويستمع منْك شكواك
واتذوق جرحن كان مـن فعلـت ايديـك
على حسـاب اللـي علـى الـروح بـدّاك
يكفيـنـي الـلـي صــار مـنّـك ويكـفـيـك
انـــي عـلــى فــرقــاك ادوّر ارضــــاك