الســـلآم علآكم ورحمة الله و بركــآتهـ
قصيدهـ عجبتني كثير وحبيت ـأنقلهــآ لكم
يمه عساني ما أزعجتك يا يمه
أحس في صدري عذاب وحريقه
يضمني حزني وأنا حيل أضمه
كنه ضناي وشوفته شوف ضيقه
يمه وأنا بنتك وإذا قلت يمه
شوفي لحزني والمواجع طريقه
ضميني لصدرك ثمانين ضمه
ضمة عشيق ٍ مايفارق عشيقه
وكانك سألتي خاطري ويش همه
بعلمك وأبي جواب الحقيقه
ليه الزمن اليوم مافيه ذمه ؟!!
وليه الطعون اللي بظهري عميقه ؟!!
وليه الولد يبوق في بنت عمه ؟!!
وليه الرفيق يخون عشرة رفيقه ؟!!
وليه أنخدع في ناس كانت مهمه ؟!!
ويوم أكتشفها وهم ماله حقيقه ؟!!
وليه الذي وقت الرخا كان قمه
و وقت الشدايد مالقينا طريقه ؟!!
وليه الحسد يمي من عيون عمه ؟!!
وليه الخطا لو قلت كلمة رقيقه ؟!!
أزيد يمه ولا كافي مغمه ؟!!
أشوف عينك من هماها غريقه
يمه دخيلك آسفة آآه يمه
كني جرحتك وأنتي أغلا صديقه
.
و سلآآآآآآآآمتكم ألف سلامه ...
يآآآ يمهـ
.