لعنبوها والله اني ماقدرت انساها=كيف ابنساها وهي تطري علي ابنومي
دبلجة في عقلي الباطن حكي منفاها=من حلاوة قولها لخبطت في منظومي
الوكاد اني مبادر والخفوق اهداها=وردتن من عبق ريحاني ومن يشمومي
بعدها قامت تبسم جعلني افداها=وارتسم من حبنا قلبن وفيه سهومي
هي هواي ابدنيتي هي علتي ودواها=هي سعادة قلبي اللي بحبها محكومي
والله أني لحترمها واحترم طرياها=واحترم حبن على وضح النقا محشومي
حافظن دروب المحبه وحافظن معناها=وحافظن سلوم المحبه مثل حفظ سلومي
__________________
لو طاحت نفوس الرياجيل مـا أطيـح=علّـيـت نفـسـي للـعـلا واعتـلـت بــي
لكـن .. لــي مـبـدأ مـعـزه وتصفـيـح=أبــوي سمـانـي بـهـا وأستـمـت بـــي
أقــدر ظـــروف الـوجـيـه المفـالـيـح=وأبقـا علـى هقواتهـا اللـي هقـت بـي
أذخـر فواعيـس الرجـال الطحاطيـح=اللـي أليـا مــن جيتـهـا رحـبـت بــي
قولـة هـلا وأقلـط علـى هبـة الـريـح=ثروة غنى فيهـا أغتنـي وأغتنـت بـي
مـاهـو كـــلام ملاعـبـيـن المسـابـيـح=الـلـي نـمـوذج كتبـهـم غـيــر كـتـبـي
ملقـحـيـن مـنـمّــق الــهــرج تـلـقـيـح=يامـا حكـت عنـدي ويامـا حكـت بـي
عـيـال رعـيـان الـحـلال الـسـواريـح=لو حصلّت ضحك ٍعلّي اضحكت بي
والـصـبـر زيـــن وللغـنـايـم مفـاتـيـح=وأكحـل عيـون ٍٍ بالحسـد تلتفـت بــي