اعذرووني الاتصال ماااش
شفته نهار العيـد يمشـي بنفنـوف
يخلـف قلـوب الرّكّـع الساجدينـي
كن القمر في لبّة الزيـن موصـوف
والخـد بـرقٍ يقـعـد النايميـنـي
العنق عنق الريم والبطـن ملهـوف
والثوب فوق الـردف لـه طرقتينـي
منوّلٍ قلبـي عـن الـود مصـروف
اصد واترك كل مـا تشـوف عينـي
ومن عقب شفته صرت ياناس ملقوف
الله يعين اهـل الهـوى الصابرينـي
ماشفت انا مثله على كثـر ماشـوف
وكـلٍ بعينـه مـن يـودّه يزيـنـي
ليته من الاجناب ماهـوب معـروف
أظنّي اسلى عـن هـوى المنتحينـي
لكن من قربه سكـن داخـل الجـوف
وإله الضلوع الحدب سـورٍ حصينـي
خلّوه يسكن داخل الجـوف مكلـوف
يسكن بـلاش ويزعـل الحاسدينـي