تكلمي والا اسكتي يا شفاهي= الصمت حي وجمرة البوح حيّه
ما عاد به جرحٍ يشد انتباهي= انا الخطأ والعذر منّي خطيّه
اركض واحث الركض عكس اتجاهي= والركض هو والاتجاهات هيّه
غنت جروحي للعتب في تباهي= من كل جرح وجرح لي مزهرية
حتى يديّ اللي تصافحك ما هي= احسها عند المصافح يديّه
بعيونهم كل الاوامر نواهي = وبعيوننا تبقى الاماني عصيّه
عني وعنك الوعد ما زال ساهي= وفيني وفيك البعد ما فيه زيّه
صدقني انه ما بقي حلم زاهي = يمكن يشع في عتمة البال ضيّه
واصدقك لو قلت لي يا إلهي = هذا انت مت وفيك الاوجاع حيّه