واشوف البنت متكيه على الاخر .. ويام شافتني كانها شايفه ملك الموت .. استغفر الله والله يعالم هذا انا وش اسوي يهابون مني .. واجيها قلت يافلانه .. وش اتسوين .. الا انها على جهاز الاب توب .. قلت لها تعالي اشوف الجهاز .. والله يعالم الا اشوف انها مرتبكه .. ورايحه فيها .. الا المسن فاتح .. قلت وش هذا .. مابعد الظاهر كملت .. الا اشوف يدها على نافذات المسن .. وحركه سريعه وربكه في الكلام .. خاله هذي فلانه وهذي فلانه وهذي صديقتي الي بالمدرسه .....الخ ماتصورون كيف تعددهم لي بأسرع مايمكن .. .. على طول قلت لها والله ثم والله ان شفتك فاتحه النت .. والا متصفحته .. شوفي من الي بفكك مني .. واقوم مدري وش الي جاني وعطيها الجهاز .. وقلت لها انا بطلع مع اخوك وبجي .. وخليت النت عندها .. ام جيت الا انها جالسه عليه .. وسوالف ودردشه .. وعلى الكيف ماعندها في اطلق شنب ... واخذ الجهاز ... تحسبونها قفلت المحادثات .. والله هي انتفضت مني .. واصغيره على هالاشياء ... خذيت الجهاز .. وقعت اشوف المحادثات .. سوالف بزارين واقفل النوافذ .. واشوف اخر نافذه .. الا سوالف مع بنت اخوي ... والله صرت اخاف على بناتنا .. المهم وشاهد الدردشه الي بينهم .. الا اشوف بنت اختي تسب فيني.. وتقول الهيئه اوصلت عندنا اليوم ويمكن تنام عندنا .. الله يعيني عليها ... وسب فيني .. والثانيه اتهديها .. قالت خالتي ماعندها ماعند جدتي .. وسوالف معها وتعلمها انها مضايقه مني .. قالت حتى قامت خالتي اتفحص الجهاز .. وشافت الصوره في الخلفية .. ومن هالكلام الي يدبل الكبد .. وسوالف بزارين .. واناديها باعلى صوتي .. وتجيني ترجف .. واتشوف المحادثه .. قلت شفتيها .. كل هذا مسبه فيني .. انا خالتك .. تخلخلة اعظام العدوا .. قالت قسم بالله ماقصدك .. قلت ولا كلمه .. واقوم الطخها بالكلام .. وذيك الضربه الي تستاهلها .. ومن ذاك الكلام ... وخليها اتخمد .. وماجاء الساعه اليوم ثمان او قبل .. الا مصحيتها .. قومي ونقم .. وتنقز من الفراش على طول .. ونزلها معي تحت .. وفطرها غصب .. .. والبنت كلش مو راضيه ... والام ابدا مو راضيه .. بس ساكته ماقالت شيء .. قلت يالله تروشي للجمعه .. واخلصي علشان اتروحين معي للبيت .. .. الا امي جات علشان تأخذني .. الا اشوف اختي مو راضيه على الي يصير .. قالت اذا مت ذيك الساعه تعالي وسنعيها .. حتى اختي قدها عارفتني .. وعارفه شخصيتي .. المهم وتحلف ان بنتها ماتطلع اليوم من البيت .. قلت طيب .. واللهياعلم اني احمد ربي انها ماراحت .. والا والله انها اعلوم .. كان بضربها ضرب .. معد عندي تفاهم ..
__________________