صاحبن مازارني وانا مريض وايش ابي به يوم فارقت الفراش
الشجون تهيض والدمعه تفيض … وخاطري من ضيقة الايام جاش
والمشاعر من خفاياها تهيض ….. هاوَشَت! قلبي وانا احب الهواش
لين حطت في صميم القلب غيض… واقبلت بنات فكري كاش كاش
اقبلت تركض على المعنى ركيض ..... كنها تاخذعلى الركضة معاش
الليالي سود والايام بيض ………… والرجال ارجال ولا اللاش لاش
كان تبغى الصح بالخط العريض …….. رفقة اهل الطيب ولايابلاش
اقبلوا الوافين من رؤس الفريض ...... من ورى تيماء ومن وادي اخباش
تعّبوا الاقدام والايام قيض ………… واقبلوا بالعود الازرق والكباش
سنّدوا من كل فج(ن) يامعيض ………… وادهشوني بالمواقيف اندهاش
اشهد ان اللي يخاويهم حضيض ..... من يدّور صحبة الصاحين عاش
وفي بعض الاصحاب ياربي تعيض …… ثُلةٌ(ن) في تالي الايام ماش
مخبل اللي يرتجي من الديك بيض..... مثل من يرجي من الصخرة اعراش
لو تناقشنا حصل فتل ونقيض ……. السكوت اخير من بعض النقاش
فلاح القرقاح
لكم تحياتي