ازعل وعاتبني ترا ودّي ارضيـــــك
ودّي اشوف إن كان لجنوننـــــا حـد
أبْي اختبر نفسي إذا كان تغليـــك
وأبغى أحلّفها على شلون وش قـــد
ودّي أبهذلها .. تلعثم تحـــاكيــــك
ودّي امشوِرها من رضاااك إلى الصد
ودّي أهستر أمزح شوي وأبكيــك
ودّي ألخبط واخلــــط الهــزل بالجــد
ازعل ولاترضى على طول وش فيك
خلني أفيض أنهار من دونهـــا ســد
خل أنهمر أمطاااار وبحور تهميــك
في جزرها إحباط .. من شوقها مـــد
خلني أضيع أوراااااق برياح واديك
وكلما بنيت أعذاااار عاجلني بهــــد
ازعل ألين تشوف روحي تفاديك
من بعدهــــا يالشين سامحنـــي ورِد