للاسف بعض المطبلين للنائب المحترم الصيفي مبارك قاعد يخربون صورته واهم مايدرون
واحد يذم بالنواب كلهم ويمجد حق الصيفي
والثاني بالشبكه الوطنيه واعرف اسمه واعرفه بالتحديد حاط اعضاء العجمان كلهم اكس ماعادا الصيفي
والثاني قاعد يضرب بنواب شرفاء كله لعيون الصيفي
بالطريقه هذي توصلون لنا صوره مو حلوه عن النائب الفاضل بو منصور
اتمنى بعض المراهقين الي حتى ما وصل سنه سن التصويت ان يركدو شوي مو بالطريقه هذي منتدى على مستوى الكويت مثل الشبكه الوطنيه تروح تحط على اعضاء العجمان كلهم اكس ما عادا الصيفي
نختلف مع العدوه او مع الطاحوس او مع الحويله بس لايمكن اني اجرء احط صورته واكسسس مستحيل هالشي حتى صدام ماسوها فيه 
عيب يا جماعه مو بالطريقه هذي مع كامل احترامنا لمحبي بو منصور والي انا منهم بس اتمنى توصل الرساله حق المقربين من بو منصور
انه بالطريقه هذي ولله تخربون صورته بعيونه
ونحط ابالنا انه الي قاعد يصير متعــمد والنائب يدري بهالشي وهذي رساله مو حلوه ولا زينه بحق الناس الي مصوتين له
نحترم بو منصور
كما نحترم الحويله
كما نحترم العدوه
ونحترم الطاحوس
كلهم اعضائنا شأنا ام ابينا
انا بصراحه ما شفت من اي ناخب من العوازم او المطران او الرشايده انه حاطين صورت عضو واحد مثلا وحاطين اكس او ينتقدونه لمجرد الانتقاد
مع الاسف الحرب قائمه على نوابنا من قبل بعض وهذه حقيقه ولا بد ان تقال
ومع الايام سنعري الي يوقف وراها سوا من قبل الصيفي او العدوه او الطاحوس او الحويله
الله هم اني بلغت الله هم فا اشهد