.
لك ابهدي كل فرحي وخلّي أحزانك يجون..=حطّهم في " وسط صدري " وإنت روّح لا تبالي!
لا تقول: شلون أهدي قلبك الضاحك حزون،= أنا قلبي كيف يضحك وإنت تجرحك الليالي؟
كيف نصبح " روح وحدة " وماتبادلنا الشجون،= آه لو بس إنت تدري في غيابك وش جرى لي!
:
:
لا يغرّك حيل أحبك ولا يأثّر بك سكون..= وإسمك إنت في حياتي نكهته سكّر وحالي!
فكرتك لا جيت ترحل في حياتي " من تكون " ؟= ماسألت بيوم نفسك | ليه أحميك بـ ظلالي؟
لا .. لا تسألهم عيوني لو أغيب بتفقدون؟= لأني بفرقاك أخسر روحي وشخص ٍ مثالي!
وما أبي تسأل نبض قلبي لو أروح بتنبضون؟=لأن روحي في غيابك تحتضن نبضك ياغالي!
ولا لا تسأل هالمشاعر في " بعادي بتذكرون " ؟=لأنّه قلبي دوم ينسى إنّه عنك يكون سالي!
.