[العــــديم]

حبتي الأعضاء

السلام عليكم ورحمة الله وبركاته

في البداية صلوا وسلموا على نبينا محمد ( اللهم صلي وسلم على نبينا محمد وعلى آله وصحبه أجمعين ) ..

خلال الصيف الماضي رحت برحلة إلى بريطانيا كان خط السير من ( بريدة - الرياض - أبوظبي - لندن ... والعودة لندن - أبوظبي - الرياض - بريدة ) ... وذلك على خطوط الاتحاد .

قمت بحجز عدة فنادق من الانترنت وحجز سيارة آجار من موقع يورب كار بقيمة حوالي 380 ريال يوميا ..

عند وصولي لمطار هيثرو في لندن اخذت تاكسي والتوجه للفندق الذي يقع بجوار المطار ( ماريوت ) وذلك للراحة من معاناة السفر وفي نفس اليوم رحت لمحل آجار السيارات ودخلت عليهم وقلت لهم وين سيارتي ؟ قالوا هذه هنا .. ثم فحصتها وقمت بتركيب جهاز القارمن فيها الخاص بي نوع Nuvi 660 ونظام القيادة في بريطانيا يختلف عن دول الخليج لأن دركسون السيارة صاير باليمين ..

كانت قيادتي للسيارة والدركسون باليمين هي أول مرة بحياتي كانت مواقع الدواسات ( الفرامل والبنزين) هي نفسها بس بالجهة اليمنى .. وأنا أمشي عاد أبناظر للخلف ( الله يعين ) وألتفت يمين أدور المراية اللي بوسط السيارة ! ثم اتذكر أن المراية صارت يساري ! هههههه ... إذا جيت أعشق القير أرفع يدي اليمين ثم أتذكر إن القير صار يساري خخخخخ ..

طلعّت السيارة من كراج اجار السيارات ومير يجيني شارع ! عاد خذ تحليل وتفكير ؟ وين المسار الصحيح ؟
قلت ياولد أعكس كل شيء! وبديت أمشي بالعكس ( يعني عكس نظامنا هههه ) ومير تجي سيارة أمامي وألزم المسار الأيسر وخليها تروح يميني وأنا أضحك على شيء لم اتعود عليه ...
وصلت للفندق والذي يبعد مسافة 2 كيلو عن كراج آجار السيارات بعد نصف ساعة ! تخللها ضياع شوي بالديرة والمعاناة مع إشارات المرور ..
وصلت للفندق ثم نمت نومة جاااااامدة كوني متعب من السفر ، وفي صباح الغد بدأت رحلتي الطويلة وقطعت مسافة 271 ميل متوجه إلى منطقة البحيرات شمال بريطانيا وجنوب اسكتلندا ، وأصبح هاجس القيادة لا خوف منه وتعودت على هذا النظام وبرمجت مخي عليه ..

والآن جاء دور الصور ..
هذا رابط لألبوم صور إلكتروني فيه عدد 288 صورة احترافية .. وفيه صور غريبة بآخر الألبوم ولأفضل مشاهدة للصور أضغط على F11 من عندك بالكيبورد بعدما تدخل على الألبوم :


http://picasaweb.google.com/alsabeht...06656169073618



منقووووول