[مصلح]

والله الذي لا اله الا هو يا العجمان اني كنت ابي اقول ذا الكلام بس انت سبقتني عليه
بالظبط ولو يحطون المبلغ هذا في المستشفيات وتطويرها السريع بدال ما تاخذ لها سنين ترا ابرك بواجد.

بعدين سؤال .. ليش الكويت اللي اتبرع وحنا اللي متضررين؟ ليش مو دول الخليج الثانيه؟ والله ما سمعت الامارات ولا السعوديه يا بو فهد تبرعوا مثل ما حنا تبرعنا للعراق. اهل العراق اخوانا في الدين والله يعينهم على بلواهم بس حنا اولى بالفلوس هذي.

واراهنك يا بو فهد بعد خمس تعش سنه بالكثير بتشوف الدول اللي كنا نصرف عليها تكون من اكثر الدول المتقدمه والسياحيه واولهم الامارات اللي كانت تاخذ الكتب الدراسيه والمناهج من عندنا وكانوا يجون يعالجون عندنا والحين اقوا المستشفيات عندهم.

سؤال اخير. القرار بالتبرع للعراق يصدر من منو.؟ من الشيخ احمد الصباح بروحه او يتناقش فيه هو ويا الشيخ صباح الاحمد او يتناقشون فيه في مجلس الامه؟ اللي ابي اعرفه طريقة اتخاذ القرارات هذي ومن هم المشاركين فيها؟