نزعل ونتكبّــر وحنا من الطيـــن ...........
والكل منا صــــدّ لا أقبل خويّــه .........!!
نفخر نقول إنا على الصد قاوين ............
وهـيّ علينا في الحقيقـة قـويه ...........!!
نشفق على الطيبة و كسب الكريمين.....
وهذي بنا؟؟ لاشك فعـلة رديـــه .........!!
ننسى نهايتنا وعلى وين ماشيـــن ..........
وننسى الزمان اللي جمعنا سـويه .......!!
المشكلة ماهي بـ حاجة لــ تخمين ..........
ولاهي بعد ياناس صعبـــــة القضيـــه ...!!
دق الرقم : كيفك هلا فيك وأهليــن .........
أنــا الخــوي اللـي مــزعّـل خويــه .......!!
قلّه : تغيب وصـــورتك داخل العين .........
ويبقــى لـ حبك في خفـوقي بقيــه .......!!
أخــوان حـنـا لـو يـجـي بـيـنـنا شيــن .....
و مانفتـرق دام المحبــــة نديــــه .......!!
خلك قــوي لاتـحتـكـرك الـشـياطين ........
قبل الفوات وقبل وقت المنيـــــه .......!!
كلّم خويــك بـــ اطيب الهرج واللين ........
وأعرف جميل الهرج يمســح رديــه .....!!
هذي هي الدنيا من الحين لـ الحين .........
لابد بين الناس تحصــــل خطيــــــــه ....!!
ومن لايقدّر غلطــة أحبابه الحيــن ...........
يقـــــرأ حـــــروفي ويعتبرها هــديه .....!!
باكر تمر سنين وسنين وسنيـــــن ...........
والــكل يرحـل في الدروب المـديـه ......!!
صدقني تندم وأذكر حروفنا زين ..............
تندم على خلك .. إذا غاب ضيّــــــه .......!!
دنيا غريبــــة وأكثر الناس ماشين ............
وكم صــاحبٍ والله دفنته بــ يديــــه......!!