,
كم واحدن من نون عيني طاح وانهار وسقط
من ثم خليته يناظر في نجوم القايلـه !! ؟
حتى الاسد في نظرتي أنظرَه في منظور .. قط
الا انت مدّري . كيف ابقدر بالكلام احايله ؟
منهو نثر حبك على دربه وقلي .. من لقط ؟
انا لقطتك في تبعثر والمحبه زايله
ماهمني .. كانك تقط العلم .. ولا ما تقط
مير الوكاد انك ( هنا ) بين الضلوع المايله
ان قلت قلبي لك ملكته وانت في قلبي .. فقط
بالمختصر / محدن يجي قلبي .. ومحدن طايله
يا ( لذة الصايم بعد ماافطَر على تمره وآقط )
يا ( عنجهية من تريّس فوق كل العايله )
نقط نقط .. نقط نقط .. نقط نقط .. نقط نقط
هذا الشطر ماتسمح اخلاقي وماني قايله !! ؟
,
لـ جرآح المطيري 