،،
لاتنشغل فيني أنا بحالي ادرى
قلبٍ تعلّق فيك ينسى مع الوقت
أثرا لوفا ينباع عندك ويشرى
ماكنت اصدق فيك واليوم صدّقت
يامشتهي فرقا المواليف حـــذرى
تبعد وأنا من سكرة الحب مافقت
ساري لو إن الليل مافيه قمرى
اشيل من حمل الهوى فوق ماطقت
لاصارحظ أقشر والايام قشرى
مافيه احد عاقل يلومك إلياضقت
صحيح بعض الناس فرقاه بشرى
وبعض البشرلاغاب ليله تضايقت
ليتك خذيت بليل الاحباب مسرى
غربت من كثر الطواري وشرّقت
السيل يبقاله على القاع مجرى
ويبقالك التذكارلوكنت فارقت
اشوف لك من وين مارحت ذكرى
ولاشفتها صديت عنها ودنقت
ماكل جــرحٍ لاخذا أيام يبـرى
بعض الجروح يزيد شره مع الوقت