[لنا بالمغرب ذكريات]

وجه نضري اولا اخي الكريم


مافيه شي اسمه خطبه فيه ملكه يعني بذمته عند الله وخلقه


ودامها بذمته اعتقد ماله حق ولاهي رجوله التخلي عن انسانه ارتبطت فيك وخلت مصيرها بيدها




وهذي قصه لحد المقربين لي يقول تزوجت قبلتني زوج وقبلت فيها زوجه بعد العرس اكتشفت بعد محاولات اني ماستطيع اقرب من الزوجه حاول لمده شهر وماقدر



طبعا هو صارح اهله وصارح اهل البنت

وراح لطبيب هو وزوجته قالو حالتك مافيك شي وموضوعك نفسيه بس وتحتاج علاجها لمده 8شهور الى سنه ونص



قال لزوجته انا مابي اضلمش فكري عدل وقولي لهلش الاهل طبعا خلاص خليه يطلقش وش تبين فيه يمكن صدق مايقدر مو نفسيه



اجتمع مع اهل مرته وضحلهم الموضوع قالت الام طلق والاب قال طلق والبنت موجوده قالت انا مابي اتطلق ومستعده اعيش عمري كله معاه وانا بكر


رجعت البنت مع زوجها وخلال 3 شهور بس الله وفقهم واصار الحمل راح لدكتور يفحصون والمراجعات للحمل وبعد الفحوصات للمره تبين اصابتها بمرض الدم الله يكفيكم شره وهو
المسمى لي كي مياء سرطان الدم



المرض هذا اخطر امراض واشرسها عداوه على الانسان


تدرون شنو قال الرجال قال والله ماستغنى عنش ولا امل منش لو عشتي طول عمرش بالمستشفيات والعلاج ماراح استغنى عنش ولا راح اتخلى عنش


تدرون انه قابل مرته اكثر من امها وابوها وافتها المنيه بعد الانجاب بساعات والله رزقه بولد


هنيا يبين الحب عشره لمده سنه ونص بينت الطيب كله برجال هذا وبزوجته الله يرحمها






















تقبلو تحياتي