اقتباس:
المشاركة الأصلية كتبت بواسطة الظبيه العنزي
.
مابقى بصدري من غيابك نسم
كان لك نية مواصل بدها
لاتخليني حبيبك بس اسم
كلمتك لاقلت خلك قدها
المشاعر مثل لوحات الرسم
مايخالط مزحها في جدها
ماقدرت بوجه الأحزان ابتسم
وضيقة الخاطر عجزت أردها
|
ن
الله الله يالظبيه ابداع واصلي اعجبتني ذكرتيني في ابيات قديمه لي
لحظة كسوف الشمس ماتنفع شموع
حتى تعود الشمس من بعـدغيبـه
ياغايب ماشفت زولك مـن أسبـوع
تراني ادفـع فـي غيابـك ضريبـه
اقضي هدوء الليل ساكت وموجـوع
ولاراح ليلي قلـت صبحـي يجيبـه
وفتحت لي في صفحة الشعر موضوع
وسميت موضوعي غيـاب الحبيبـه
وإن كان قصدك ياهوى الروح ممنوع
هذي على العشـاق ماهـي غريبـه
حبك كما ورد على القلـب مـزروع
عطـره يسلينـي بنفحـات طيـبـه
بس البلى دنياك ماهي علـى الطـوع
اخاف من سـود الليالـي الغريبـه
واسمع خبر حبل الامل صار مقطوع
وقالو حبيبـك مقتنـع فـي نصيبـه
في وقتها معـذور لوقمـت بدمـوع
كتم المشاعـر بالضمايـرمصيبـه
وياعود ريحان علـى جـال ينبـوع
قلبي طـري وادنـات ريـح تجيبـه