[غازي الرسمان]

ابوي مشاني على درب ممشاه=دربٍ مشيته عدل ما كان مايل

علمني كيف اصعد على المجد وارقاه= وعلمني سلوم العرب والقبايل

وصيته بالضيف والجار منساه=وصاني اختار الخوي بالمهايل

ترى رفيقك ينتخي قبل تنخاه = وترى عدوك من فرح بالخمايل

بعدك عن اللي ما يودك وفرقاه= تحسب تراها من كبار الجمايل

واعرف صديقك فعله اقصاه وادناه= ولاتعطي اسرارك لمن جاك سايل

وحذرا تخاوي ذيب ناداك بعواه= لاتامنه لو جاك بالعلم صايل

من مانفعك ابدنيتك لا ترجاه = بالقبر ما ينفعك يا بن الحمايل

ولا تستمع حكيٍ على الغير تلقاه= إلا إذا جاك الحكي بالدلايل

قولت نعم ماكل رجال يلقاه= مثل الذي يصعد جبل حمل شايل

ودرب الردى سهلٍ يجي يم مجراه = مثل النزول إمن الجبال الطوايل

من يظلم المسلم ترى الظلم يبلاه= واحفظ صلاتك وادها بالكمايل

وحذرا تسد الباب عن ضيف يلفاه= وخله لمسكينن لجا بالقوايل

واحفظ حلالك عن عدوٍ تمناه= بالغدر والحيله عيونه تخايل

هذا كلامن قاله العود من فاه= الله يبيح العود بالطيب طايل

مرحوم ياعودٍ على الطيب ممشاه= دربك مشيته .. عدل ما كان مايل