طار الكرى والعين عيت عن النوم
................وجبت القلم فوق الورق والحبر سال
الله واكبر وشبدا مني اليوم
....................راح وتركني بين همٍ وغربال
من اولٍ فرحان واليوم مضيوم
..................سبة عشيرٍ غاب عني بترحال
مقدر على المقعاد وان طحت ماقوم
.......................حظي انا مقرود يومٍ لهم مال
تكفى يابوفيصل ترى القلب معدوم
...........................جسمٍ بلا روح وضيمٍ ولوال
خلي سكن قلبي ولا جتني علوم
......................هات الخبر نايف ورجع لي الحال
اعطيك انا وصفه بدقه وتعلوم
......................خلٍ جميلٍ يزهي اللبس بالشال
عينه كما عين الذي يكسر الحوم
...........................رعبوبةٍ بالزين يضرب بها امثال
ريحه من العنبر ومسكٍ و(يشموم)
..........................ومن فوق خده حاوين حبة الخال
ادعج غنج مزيون والساق مبروم
..............................ابو خديدٍ يعطي الوان واشكال
وصف القضي من عندنا صار مفهوم
...........................بس نكتب العنوان وطول لنا البال
في ليلةٍ ظلمى خلت مابها نجوم
.................................تسري وبلغها تفاصيل الاحوال
تقول له يالترف لا يلحقك لوم
...............................احذر ترى هجرك على صاحبك طال
ترى حبيبك اصبح اليوم محروم
...............................وعافت عيونه عقبكم كل الازوال
وقبل الرحيل الشرط حبه لها دوم
................................وتحذره من قول حاسد وعذال
ملزوم تاصل اريش العين ملزوم
....................................وتقول خلك ذايقن مر الاهوال
عن شوف وجهه دايم الدوم محروم
.....................................اسرع وداوي جرحي اليوم بوصال