استأذنك بسافر ايااام واجيك وان طالت ايام السفر لاتحاتي
أستاذنـك بسـافـر أيــام واجـيـك
وان طالـت ايـام السفـر لا تحـاتـي
حتـى و لـو طولـت مانـي مخلـيـك
ياللـي بدونـك ويـش تسـوا حياتـي
تامر علـى حاجـه؟؟ باودعـك واليـك
عسى عـوض الأيـام فـي المقبلاتِـي
حتى يـدي مـا ودهـا تفـارق يديـك
ساكت وانا اشوف البـلا فـي سكاتـي
ما شفتني لا رحـت منـك التفـت فيـك
بــلاي والله روحـتـي والتـفـاتـي
لكـن قبـل مـا اروح ودي أوصـيـك
وانـت الوحيـد اللـي يقـدر وصاتـي
لاحدٍ سألك و قـال لـك ويـن مغليـك
قـل لـه لـوازم لا قضـاهـا بيـاتـي
و أن طـروا النسيـان مانـي بناسيـك
يـا راس مالـي فـي الحيـاة وغناتـي
و ان طـروا السلـوان مانـي بساليـك
طيفك معـي حتـى وانـا فـي صلاتـي
قلبـي وهـو قلبـي إذا مـر طـاريـك
لـولا ضلوعـي كـان عـزوا مماتـي
لو جض صـدري كـان يمديـه ياتيـك
و يبـات عنـدك ويهـنـا بالمبـاتـي
أنا .. و قلبي .. و الغلا .. ساكـنٍ فيـك
و انته .. و قلبك .. و الغلا .. وسط ذاتي
غـلاك مثـل الحكـم عنـد المماليـك
أكبـر طموحـي .. لا .. كـل أمنياتـي
شف فـي غيابـي أي حاجـه تسليـك
لأنـي بعـدك أسلـى مـع ذكريـاتـي
أحـاول اذكــر أي شــيٍ يطـريـك
واقول هـو سـوى وانـا ذي سواتـي
كنـي مـوادع كـل شــيٍ حوالـيـك
و كني حسبـت حسـاب حـزة وفاتـي
أحب لأنـي مـا اقـدر انسـاك و أبيـك
و لا اقـدر أخليـك يالـلـي تحـاتـي
معنى أحب .. و ما اقدر أنسى .. و أخليك
يعنـي بدونـك ويـش تسـوا حيـاتـي
"
"