أقول
يعني اذا اقروا ان شاءالله حقوق المرأه السياسيه
انتوا بتقعدون على كلمتكم وماراح تخلون حريمكم يصوتون ؟؟
انتوا اول ناس راح تركضون تشحنون السوبر حريم وتودونهم يصوتون
والمرأه طبعا لازم تدخل المجلس على الأقل المرأه لما تدخل المجلس ماتبوق نفس الريال ولا تختلس اموال عامه وبتفكر بالأجيال القادمه ...
غريزة الأمومه تخلي المرأه تهتم أكثر من الرجل بأوضاع البلد لأنها تهتم شلون راح يعيشون عيالها واحفادها
وبعدين لما أمرأه تصير عندها مشكله مطلقه مثلا تبي سكن ...الخ من مشاكل الحريم هل تقبلون انه المرأه تروح للنائب بديوانيته تحكي له مشكلتها ؟؟؟
المرأه مكسورة جناح والرجل بالكويت صراحه قاط المسؤليه كلها على المرأه المرأه تشتغل وتصرف على البيت وتحمل وتربي وبالأخير الزوج يخونها أو يتزوج عليها بكل بساطه ....
اذا صار عندها مشكله حق منو تروح ؟؟تبونها تواعد نائب مثلا ..هل تقبلون بهالشي وهل النائب راح يسمع للمرأه شنو راح يستفيد منها هل راح تعطيه صوت طبعا اذا ماعندها صوت ماراح يسمعها ولا راح يعطيها ويه لأنه نوابنا صاروا نواب خدمات يسوي خدمه لك مقابل صوتك بس اذا المرأه ماعندها صوت منو بيساعدها ؟؟
لما تكون في مرأه تحس بالمرأه وتساعدها على حل مشاكلها ..
في عمان وزيرة الشؤون الاجتماعيه والعمل مرأه شوف شلون الناس اذكياء في عمان
الوزيره تدخل بيوت الناس وتدخل بيوت المطلقات تشوف احتياجاتهم بنفسها ..
ياناس فتحوا مخكم شوي وبلاش تفكيركم الضيق والمتحجر سويتي الكويت دولة طالبان الثانيه.