مجلة شاعر المليــون حصلتهااا وحبيت انقلها لكم ،، قصيده غزليه في تاريخ الشاعر ناصر بن ثويني العجمي ، وتعتبر القصيده الغزليه والوحيده حتى الان
للشاعر ناصر بن ثويني العجمي ..
النهار يكفـه الليـل والعمـر محـدود - - - - - والسنيـن تـدور والله يكافـي شرهـا
وانت ياللي ماضيٍ بيني وبينـك عهـود- - - - - العهـــود تبوقهـا والكُـبـــود تحـرهـا
خِنتني والحال في نقص ماحصلـت زود - - - - - ويش فايدتك من الحال يـوم تضرهـا؟
تحسب انك تكسب المدح من كثر الصدود - - - - - غرتك نفسـك وبعـض الأمـور تغرهـا
انت فيني تكسب الذنب وعيوني شهـود - - - - - مشتكـى عينـي علـى الله ولله درهـا
تشتكي عيني وترقى قدم رجلـي سنـود- - - - - مثــل مـن دور حـلاهـا وحصـل مرهـا
أسألك عن سالفتنا وابيـح لـك سـدود - - - - - وانت تلقـط طـارف السالفـه وتفرهـا
كان ما فرحت عيني وزعلـت الحسـود - - - - - وفر اعـذارك وجـر الهزيمـه جــرهـا
لاتعذر وانت فينـي تجـاوزت الحـدود - - - - - خنجرك يوم اسهبت ليه رحت تجرهـا؟
لاتذكرني ولاعـاد تطـري لـي وجـود - - - - -و الدروب اللـي تجيبـك لاعـاد تمرهـا
أخيتكم / عـــــــــــــــزوة