يافاطري خبّي طـوارف طميّـه
يوم اشمخرّت مثل خشم الحصاني
خبّي خبيب الذيب فـي جرهديـه
لا طالع الزيـلان والليـل دانـي
خبّي طميّـه والريـاض العذيّـه
وتنحري بـرزان زيـن المبانـي
تنحـري لطـام خشـم السريـه
فرز الوغا لا جا نهار الوحانـي
وصلتْ اخو نوره لـزوم علّيـه
قبل الحبيب وقبل قاصي ودانـي
والى قضيت اللازم اللـي علّيـه
اللازم اللى مـا قضـاه الهدانـي
وتذكـر المشحـون ديـران حيّـه
مسوّا حبـال اكوارهـا بالمثانـي
نبغـى نـدور طفلـة عسوجيـه
ريحة نسمهـا كالزبـاد العمانـي
لي صاحبٍ ما نيتـي عنـه نيـه
واثره قضى له حاجةٍ مـا تنانـي
تباشروا بي عقب سابـع ضحيـه
وانا علي ابـرك ليالـي زمانـي
اشره على الطيب ويشـره علّيـه
وراه ياخذ عشقتـي مـا تنانـي
ليته صبر عاميـن والا ضحيـه
والا تحرى صاحبي ويش جانـي
اما قعـد راكـان ذيـب السريـه
والا رجع يصهل صهيل الحصاني
حريبنا لا اهـدى علينـا هديـه
عندي مجازاته مثل مـا جزانـي
نسهج محله ليـن يخلـف نويـه
يصبر كما يصبر جديع الاذانـي
من القطيف الى النفـود محميـه
الى ان يمشيهـا خـويّ وعانـي
افعالنـا هـذي علينـا وصـيـه
فرض علينا مثل صوم رمضاني
لا بد من جمـع يزرفـل كميـه
جموعنا تاطـا الغبـا والبيانـي
في ساعة يظهر من حباله رديـه
والكذب يقطع من حبالـه متانـي
في ساعـه كـل يهمّـل خويـه
لا شاف ضرب مصقلات السناني
روحي وانا راكان زبـن الونيـه
ما يشرب العقبات كـود الهدانـي
سوااااااااااااااااااااااااالم
هذى القصيده كامله
وكل الشكر لك على هذا النق الطيب لابو فلاح
بحفظ الله ورعايته