مسيتوا بالخير يا عرب السموحه منكم عالتأخير نطرنا جمعة الاهل و اول بزر شرف خمطتلكم اياه الاسم : محمد بن عبدالله العمر : 6 سنوات المهم جبناه و وقفناه قدام اللاب << يبي يقعد بس معاقبه علشان يجاوب بسرعه نبدأ على بركة الله 7 7 7 7 1/ / وش تسوي /ن إذا صرت /ي فاضي / هـ ؟ اروح للجعميه << بيشيب راسه و هو عاده ينطقها جعميه 2/ لو فزت/ي بـ 1000 دينار وش تسوي/نفيها ؟ اشتري سياره << هههههههه راهي الرجال 3/ وين ودك تسافر/ين في الاجازه؟ المدينة الترفيهيه << و عقب محاولات الاقناع انه لازم يتعدى الخفجي قال يبي يسافر السعوديه << ما تعب عمره 4/ لو صرت/ي مدير/ة مدرسة وشبتسوي/ن ؟ اطق كل استاذ على صلعته مليون مره << بتخلص السنه و هو عاده مشرع فيهم قلتله طيب و اللي ما عنده صلعه قال احلق شعره و اضربه على راسه << الرجال ما بذنه ماي ههههههه 5/ تحبني يا........ ؟ طيب ليش؟؟ ايه لانك توديني جعميه << ايييييييييه يا دنيا المصالح 6/ وش تعرف/ين عن : - الأنسولين : بعد تناحه دامت خمس دقايق جانا الجواب التالي : معفنه << يحسبنها خدامه - الإنترنت : ما احبه << شدعوه تعرفله هههههههه - مجلس الأمــة : هههههههههه يقول دوانيه يجتمعون فيها الرياجيل << ما يدري وش الطبخه - الإتيكيت : طعمه حلو << و بعد التحقيق و الاسئلة طلع انه علباله كتكات -التعليم العالي : الولد بس سمع تعليم قال اخنز شي فالعالم << هججوا عوالنا بمناهجهم الداجه - الماركة : بالاول يحسبنها اسم مره و بعد التوضيح قال و الله مهيب شينه << يعني تراه فهمها - الستالايت عندنا منه << احلف يا رجال تمت العمليه بنجاح << يشربله دلة قهوه من صديع البزر و يحذفه برا المجلس لاهنتي يا حمران النواظر عالفكرة الفريدة من نوعها و اختار خزنة بنت مايكل
__________________