أتذكر أني كنت أداوم عنده في مخفر الظهر وكنت وقتها أدرس وقالي تعال يالـ (عيارتنا) 
قلت : سم يابومحمد
قال : لعاد أشوفك لين تاتي بالشهاده واخوياك بيسدون في محلك
وجاني خبر وفاته بعد فتره قصيره
وجانا واحدن عقبه جعل مهب العوض .. لا يقدر ولا يفهم ولا يروح معه العلم ولا ياتي عنده فكره ان العجمي مايداوم ابدا ولازم أشد عليكم بشكل تعسفي .. وطرى علي بيت الشيخ راكان بن حثلين يومه يقول :
ياليت رجالن يبدل برجال ... وياليت في بدل الرياجيل حيله
الحمدلله قزرناها منا ومنا لين خلصنا وجبنا الشهاده وفارقناه
الله يرحمك يابومحمد انشهدني فقدتك وقتها صدق ودريت ان حنا فقدنا رجال
وقفتك ذي مانيب ناسيها لين نلحقك وجعل مثواك الجنه والعوض في اعوالك وجعل ربي يصلحهم
وتقبلوا تحياتي