[صوت القلوب]

ما يستفز الشعور و يحرق أعصابي

إلا عطى من بخيل ٍ يلحقه منّه

وإلا كلام ٍ ينقدني مع أقرابي

شوف المنافق ليا منه ضحك سنّة

وإلا صديق ٍ يشوف الضيم بأسبابي

وإلا رفيق يظن و يختلف ظنّة

واللي حَسَدْنِي بعد ما هتفت أحزابي

لو كان أخويا تراني في غنى عنه

واللي بياصل أهدافه على حسابي

يحلم بها مثل حلم إبليس في الجنّة

أنا مع السكة اللي نالت على اعجابي

سني ومبداي شرع الله والسنّة

ما أنفخ على الناس كبر و لا أفتل أشنابي

ولا أضحك عليها وأقول الناس منجنّة

أقدر معلمي وأحب طلابي

والله هو اللي عطاني ما لأحد منّة

عدوي اللي طموحة يحرق أعصابي

يحلم بها مثل حلم إبليس في الجنّة