طال أنتظاري والامل فارق العين = يوم الاماني تستهين بشعـوري
بعد العمر ينكر مع العشره سنين = ونيت ؟ لكني تمّاكنت طـوري
أنا معه كنا بهالعالم أثنـين = واليوم أدوّر من يصافح سطوري
دنيا تغيّر من بها .. والمظامين = صرنا نشوف الحب ماهو ضروري
روس النخيل العاليه طولها زين = جاها شتاها ماشكت ياجذوري
مديت كفي للثمر قالت منيـن = موسم خذا تواضعه من غروري
وش جاب في روض المحبه ثعابين = وقبل أمس زرع الروض كادي وجوري
صدمة أمل تستوطن الواقع الشين = تسأل ظروفي عن ظروفي ودوري
حاولت أباحكي عن محبة مساكين = والليل معتم .. ليه طفّيت نوري
صحرا همومي تلسع أقدام حافين = وأنا مشيت الدرب والشور شوري
وجيت أسأل اللي ساكنً قرة العين = وينه وأنا عجزت أجبّر كسوري