[شمعة الجلاااس]

وهذا البارت الثالث


كان نايف مرتبك وهو معها ما يدري ليه ومها بعد ما كانت اقل من ارتباكه .....
نايف حب يغير جو الارتباك شوي
نايف: شلونك مها >>> غصب اطلعت بعد
مها بصوت ما ينسمع: الحمد الله بخير
تفشل نايف يحسبها ما ردت عليه فسكت لين وصلها البيت ... نزلت مها ومن الخوف سكرت باب السيارة بقوة .. رجعت فتحته وقالت: آآو سوري نايف
نايف: لا عادي >>> فداك لو تبين اكسريه بعد
راحت مها لباب بيتهم ونايف مازال واقف يناظرها لين تدخل ويتطمن عليها انها دخلت ...
دخلت مها البيت ونايف للحين واقف يفكر فيها نسى نفسه وهو يناظر بيت مها وهي من زمان دخلت البيت
عنــــد مهـــــا
طلعت وراحت غرفتها تبي تسكر الستاره ولاحظت سيارة نايف للحين واقفه ..
مها: وشفيه ذا للحين واقف ..
تجاهلته مها وسكرت الستاره وراحت نامت

عنـــد نـــايـــــف
نايف: الله وشفيني انا .. الله يرجك يا مها هبلتي فيني ... حرك سيارته ورجع على طول البيت ...
نايف اول ما دخل البيت شايف نواف حاط راسه على صدر امه وراح لهم بسرعة
نايف وكانه طفل: وانا وين اورح
منيرة بنظرة حنان: تعال يمه كلكم بقلبي
نواف: ضف وجهك اليوم دوري انا بس >> لعبة وانا مدري
نايف يسوي نفسه زعلان: والله طيب انا زعلان
نواف يضحك عليه: هههههه تعال انت وجهك خلاص رحمتك
جلسوا يضحكون ويسولفون مع امهم وبعدين كل واحد راح ينام

علـــى صـــلاة الفجــــر
قامت منيرة عشان تصلي وراحت تقوم عيالها
منيرة: يله يا عيال قوم الصلاوة لا تفوتكم
نواف: كم الساعه .؟؟
منيرة: الساعه 5
نايف: نواف قوم يله لصلاوة وخلنا نرد نام شوي قبل الدوام
نواف: يله طيب
قاموا وصلوا وكل واحد راح لغرفته ينام له شوي قبل وقت
الدوام ....

الصبـــــــــــح
صارت الساعة 8 الصبح وكان باب البيت يدق فتحت الخدامه الباب ...
مها: الســلام عليكـــم
داني: سلام مدام مها
مها: اهلين داني .. وين ماما منيرة ؟؟
داني: في مطبخ سوي فطور ...
مها: طيب خلاص روحي انا بروح لها
راحت مها المطبخ لمنيرة وفي طريقها شافت نايف ونواف نازلين من الدرج مع بعض ...
نواف: يالله صباح خير ...
مها: صباح الخير ..
نواف: هلا صباح النور >> يقولها من غير نفس
نايف يا زين صباحه اليوم: هلا مها صباح النور والسرور >> ودك تكمل عادي خذ راحتك صباح الورد والجوري ..... إلخ
مها: هلا نايف
كانت اشكالهم روعه كانوا لبسين مثل بعض ثياي بيض وشمغ حمراء ونظارة سوراء ... >> اكشششششششششششخ
مها: انا بروح لخالتي عن اذنكم
نواف حب يطفشها مع الصبح: وش تبين فيها .. احس انك ساحرتها وحنا ما ندري ..
مها: ساحرتها بطيبتي ...
نواف: ههههههه مصدقه نفسها اصلا امي كل يوم لما تطلعين من عندنا تقول اف وش ذا النشبه
منيرة وهي طالعه من المطبخ: حرااام عليك .. انا اقول عن مهاوي كذا ... ليه الكذب
مها تضحك عليه: هههههههه يا كذاب
نواف: اقول لا يكثر وروحي جيبي الفطور .. وش فايدتك؟؟
مها تجاريه بالكلام: حااااااضر عمي نواف
نايف كان مستمتع باللي يشوفه
نايف: يله نواف انا طالع بتروح معي والا اروح
نواف: لا بروح معك ..
مها: خلاص خالتي مع السلامه انا رايحه الجامعه تامرين على شيء ..
منيرة: لا يمه الله يحفظك مع السلامه
مها: مع السلامه
( وكل يوم على هالحال مها تجي عند منيرة من الصبح وتروح الجامعه وتجيها بعد المغرب ولا زم هواش هي و نواف ... اما نايف يا حرام يا نايف باله مع مها وهي .... مو حاسه فيه ابد

بعض البشر يغرونك بصدق الأحاسيس !
وبعض البشر ساكت و " قلبه يحبك "
اليوم الخميس نايف كان مخطط انه يطلع مع امه ونواف البر..
نايف: يمه وش رايك نطلع البر؟؟؟
منيرة: والله يا وليدي ودي بس رجولي تعورني
نايف: ما عليك اشيلك يا الغاليه
منيرة: لا يمه اخاف يعورك ظهرك
نايف: فدوه لك يا الغاليه
منيرة: جعل عيني ما تبكيك انت واخوك .. الله يطول في اعماركم ...
نايف: وعمرك ان شاء الله ... اجل اشوف نواف
نايف وهو ينادي على نواف: نواااااااااااف.... نواااااااااااااااااااف
نواف: هلا نايف انا فوق بغرفتي
نايف: يله انزل بنطلع البر مع امي
نواف هو يطلع عليه من فوق: والله رضت تتطلع
نايف: ايه يالله لا تاخر
نواف: ثواني بس وانزل
منيرة: يله يمه انا بروح اجهز القهوة والشاي عشان ناخذها معنا
نايف: لا تعبين نفسك بناخذ قهوة جاهزة وحنا بالطريق
منيرة: لا تعب ولا شيء
نزل نواف: جهزتوا ؟؟
منيرة: شوي .. اتصلوا على مها واهلها يطلعون معنا نستانس اكثر
نواف: اف يمه ومها كل شوي ورانا ورانا (( يقولها وهو يضحك ))
منيرة: حرااام عليك والله البيت حبوبه تنحط ع الجرح يبرى
نايف يقول في نفسه انا اشهـــــــــــد
نايف: وامي صادقه وش سوت لك هي
نواف حب يفشل اخوه: نايف ليه كل هالاهتمام بـ مها
نايف بارتباك: ولا شيء.. بس هي ما قصرت تجي عند امي وانت ما غير تهاوش معها وتكسر فيها >> الله يلعن ابليسك يا نواف على هالسؤال
نواف وهو يضحك على ارتباك اخوه: ايه بس كذا ولا فيه شيء ثاني >> ويغمز له
منيرة: انا بروح اتصل عليهم .. واشوف اذا بيطلعون معنا والا لا ..( وراحت الصالة تكلمهم )
نواف: نايف ترى انا اخوك وحاس بلي قاعد يصير
" نواف كان عارف ان نايف يحب مها بس ما حب يقوله ... يبيه هو من نفسه يتكلم .."
منيرة: يله يمه تاخرنا
نواف: ومها واهلها اتصلتي عليهم
منيرة: ايه بس تعذروا يقولون انهم معزومين بس مها قالت بتجي معنا ..
نواف وهو يناظر اخوه ويكلم امه: وذي لزقه كان راحت مع اهلها هههههههههههههههه
منيرة: نواف خف على البنت حراام عليك
نواف: ان شاء الله يا منيرة
منيرة: منيرة بعينك
نايف ونواف: ههههههههههههههههههههههه
" نايف كان طاير بالسماء من كثر الوناسه ان مها بتطلع معهم "
نواف: طيب يمه هي قالت بتجي والا نمرها
منيرة: لا قالت هي بتجي
نواف: أبرك ههههههههه
نايف: طيب انا بطلع البس واجيكم
نواف: يله وانا بطلع اغير
منيرة: لا تتاخرون الساعه صارت 4 ونص
نواف ونايف: ان شاء الله يمه
... بعد ربع ساعه دخلت مها البيت ...
مها: خالتي ... خالتي..
منيرة: هلا والله بـ مهاوي
مها: هلا خالتي شلونك
منيرة: بخير الحمد الله وشلونك وشلون امك ؟؟
مها: والله الحمد الله تسلم عليك وتتعذرمنك ..
منيرة: الله يسلمها ..
في هالحظة نزل نايف ونواف كانوا لابسين جينز اسود وتيشيرت رمادي فاتح مع اسود ونظارات شمسيه سوداء
كانت اشكالهم تخففففففففففففففففففففففففق
طبعا نايف ما شال عينه من على مها ... كانت لا بسه بنطلون اسود مع بلوزه فوشيه طويله لحد فخوذها ورافعه شعرها بظارتها الشمسيه .. كان شكلها يهبل كانها بيبي ..>> وتلومونه ليه ما يشيل عيونه من عليها
نواف: السلام عليكم
منيرة ومها: وعليكم السلام
نايف: شلونك مها
مها ارتبك شوي: بخير الحمد الله .. شخبارك؟؟
نايف: الحمد الله >> عااااااااااااااااال العال بشوفتك
منيرة: يله تاخرنا خلونا نمشي
نواف: يله بس اقرب السيارة عند الباب ..
منيرة: طيب لا تاخر
نايف وهو يكلم مها: والله كان ودنا يكونوا الاهل معنا
مها: يله المرة الجايه ان شاء الله
نايف وهو عينه بعيونها: ان شاء الله
نواف وهو يطرق باستبهال يلعب بالبوري عشان يطلعون
منيرة: الله يهداك ... طول عمرك مطفوق
مها ونايف: هههههههههههههههههه
ركبوا السيارة نايف ركب جنب نواف وكانت مها وراءه ومنيرة وراء نواف ..
تحركوا من البيت وكان نواف مبسوك ورافع صوت المسجل ويرقص .. وقفوا عند الاشارة وكان واقف جنبهم سيارة 4 شباب مراهقين كان يناظرون في مها كانت لا بسه اللثمه ولابسه النظارات الشمسيه شكلها كان ملفت لنظر وطبعا نايف كان متنرفز ما يحب البنت اللي طلع عيونها ... بس ما قال شيء لان ما له حق انه يتدخل
انتبهت مها للشباب وخافت منهم .. فتحت الاشارة ومشوا والشباب يلحقونهم .. في الحظة اللي مها كانت تاشر لهم عشان يروحون ولا يسببون مشكله انتبه لها نايف وحمر وجهه من العصبيه وصار يناظر يمين ويسار ..>> الغيره وما تسوي
نواف بعصبيه: نواااااااااااااااف وقف على جنب بسرعه
نواف مستغرب من عصبيته: بسم الله وش فيك ؟؟؟
نايف: اقول وقف بسرعه ...
وقف نواف ونزل نايف يركض بسرعه جنونيه على سيارة الشباب لانهم وقفوا عند محل كوفي راح لهم يركض
نواف مستغرب من تصرف اخوه ولا يدري وش فيه: نايف وين رايح
.. مها كانت تبكي بصوت عالي ..
منيرة: مها بسم الله عليك وشفيك انت بعد .. وش فيك يمه
مها وهي تبكي: انااااا السبب ...!!
منيرة وهي تناظر عيالها اللي يركضون ولا تدري وش السالفه .. وش اللي صار يا مها ..
عنـــد الشبــــاب
نايف بعصبيه: يلي ما تستحي على وجهك انت وياه تبيني اذبحكم انت وياه
واحد من الشباب: ههههههههههههههههه يمه خفنا
نواف: الزم حدك لا يصير شيء مو زين لك...
نايف: والله لو ان اشكالكم تساعد على الضرب كان كسرت راسكم لكن المشكله بزراااااااااااااااااااااان
الشباب وهم يضحكون بصوت عالي: لا تعال اضربنا .. انت والنسخة الثانية اللي جنبك .. الا اقول في أي مصور مسوي لك نسخه ثانيه هههههههههههههههههههههههههههههه
نواف ما قدر يمسك اعصابه خذا كوب الكوفي اللي كان في يد واحد من الشباب وكبه عليه ...
نايف: خلاص نواف اتركهم لا توسخ يدك فيهم
الشباب خافوا من عصبية نواف وقبوا ومعاد ينشاف الا غبرتهم
رجعوا للسيارة ورمى نايف ناظرته عند رجوله بقوة
منيرة: وش اللي صاير يمه قولولي
نايف باستهزاء: اسئلي الاخت مها ...
مها و صوتها يعلى من البكي: والله مالي ذنـ
نايف يقاطعها: نواف رجعني البيت
نواف: خلاص كلنا بنرجع
منيرة ما تدري وش السالفه: ليه وش صاير .. تكلموا
نواف: خلاص يا الغاليه مافيه شيء ... افهمك بعدين
منيرة: فيكم شيء انتوا ؟؟؟
نايف: لا يمه ما فينا شيء ارتاحي
نواف هدا شوي بس نايف مازال معصب وحالته حاله ... ومها يا قلبي عليها مقطعه نفسها بالبكاء على بالها ان نايف بيقول عنها انها قليلة ادب لانها شافها وهي تاشر لهم يروحون ..
>> ما تدري ان كل هذا اللي سواه نايف من غيرته عليها ..
رجعوا البيت والجو كان متوتر بينهم
منيرة: يمه مها انزلي معنا البيت ليت يرجعون اهلك
مها وصوتها متقطع: لا خالتي بروح البيت انتظرهم
منيرة: الله يهداك يا بنتي الساعه الحين7 المغرب وهم مو راجعين الا متاخر وش تسوين بروحك
مها: عادي بذاكر وارتب اوراقي للجامعه>> ما تبي تجلس مع نايف بعد اللي صار
منيرة: على راحتك ... ودخلت البيت
نايف بعصبيه: وين رايحه اجلسي هنا لين يجون اهلك والا تبين تسوين مشكله ثانيه
مها وهي تبكي من كثير ما هو حاط الذنب عليها: الله يسامحك والله مالي ذنب
نايف ما قدر يتحمل اكثر دخل على طول البيت
نواف: لا تزعلين يا مها ترى نايف شوي عصبي
مها: بس انا ما سويت شيء والله العظيم ما سويت شيء
نواف: انا عارف بس مثل ما قلت لك نايف شوي عصبي
(( مها قالت لـ نواف السالفه كلها وهو صدقها ))

انتظروا التكمله