لا ترخص الدمعه ترى دمعتـك هـم
ماحب انا الدمعه علـى خـد غالـي
لو سقت لي موتي بكاسن به السم
شربـت مابالكـاس يــاراس مـالـي
حبـك تمكـن فـي عروقـي مـع الـدم
وغــلاك مابـعـده جـفـا يـاوصـالـي
انت ( الغلا ) .. منك الغلا لو تعلم
ماشفت شي في زماني مضى لـي
ابعـد تفاكيـرك ودمعـن علـى الـكـم
ملعون يادمعـن علـى الخـد سالـي
واضحك تـرى همـي لمحـك وتكلـم
همـي رفيـق الدمـع يالـلـي قبـالـي
اعرفـك ماترضـي لـي الـهـم يهـتـم
ودك تـجـي وتشـيـل هـمـي بـدالـي
امسح دموعك يالغضي دمعتك هـم
ماحب انا الدمعه علـى خـد غالي