اليوم يا عيني علامك ترفين =ولاأنتي على العادة ينثر الدموعي
أما يبي يلفيك علمن ما هوزين =وإلا اتذكر ما غدى من اربوعي
يا كثر ما نذكر من الناس غالين =حدر الثرى ما عد قيهم رجوعي
راحو مراحن منه ما هم ملفين =صارت منازلهم عذابن لشوعي
الله على وقتن مضي مثل هالحين =ابعد علي اليوم من حب كوعي
إليا ذكرته والمخاليق غافين =جريت ما يفتح مفالج اضلوعي
يوم أن وقتي مقبلن يا أدعج العين =عروس عشق ومعجبتها الدفوعي
واليوم وقتي صار بين اليهاهين =إليا طاب لي يومن خبث لي اسبوعي
دنيا نبي منها عدال الموازين =وتميل لوني في خطاها جزوعي
تضحك لناس بالفرح مستمرين =وناسن تجيهم بالكدر والفجوعي
وصارت بها سود المقانع شياهين =وفحولها صار اتبوع التبوعي