ألا يا "دارنا" يا أم الكـرم وام الوفـا والجـود = "نحبك" وأنتي أوّل مـن عرفنـا مـن حبايبنـا
ألا يا "دارنا" يا اللي "غـلاك" مـع الولـد مولـود = تشّبب مع ولدنا .. بعـد شيّـب راس شايبنـا
لك الله "ما نزايد في هـواك" ولا نريـد شهـود = علاقاتنـا الحميمـه نعتبرهـا "مـن مذاهبـنـا"
ولا نـدري علينـا زود .. وإلاّ مـا عليـنـا زود = لكنّك في حمانـا مـن لحانـا فـي شواربنـا
"علامك" بعد ما مالت غصونك وأثمر العنقود = "تركتينـا لعيـن الشمـس واللاهـوب يلهبـنـا"
"تغيّرتـي عليـنـا" والليـالـي حبلـهـا مـشـدود = ولازلنـا "نشيـل العشـق الأول" فـي مزاهبنـا
تمدين الوفاء للخايـن اللـي مايحفـظ عهـود = وحنا ما ومرك الله تشوفي وش مطالبنا ؟
يقولون الوجيه البيض غشّوك الوجيه السود = وأنا مـدري لكـن" اللـي يغشّـك لا يصاحبنـا"