[فهيد بن سالم]

السلام عليكم ورحمة الله وبركاته



مساء الخير على الكل ..



لـ / تواصل

سقط حكم الغرام وضاعـو الحـرّاس=من ديـار الوفـا والحـب والتقديـر

بقلـبٍ مـا بقـى لعروقـه اليبّـاس=سوى .. حزن وهموم وضيقه وتفكير

دروب الحبّ ظلمـا والوفـا نبـراس=وحظوظ الناس تجعل مايصير .؟ يصير

وانا حظي شجر واحداث عمري فـاس=ويدين الوقت ما ملّـت مـن التكسيـر

من أول كنت أنا لك يابريق ألماس=قبل لا اميّـز انّـك تعشـق التغييـر

عقب ماهب من برد الغـدر نسنـاس=من اغصان الغلا والشوق طار الطيـر

لو انّي في عيونك غيـر كـلّ النـاس=شعرت انّي بعينـك وبضميـرك غيـر

دموعـك ردهـا لعيونـك النـعّـاس=ترى ماعاد لدموعـك علـي ، تأثيـر

عطيتك كل حاجه وانت باسـك بـاس=تحب اتخون لكـن مـا تحـب اتغيـر

تعبت اجبر مشاعـر قلبـي الحسّـاس=وتعبت ادلّلـك خوفـاً مـن التقصيـر

جلست اشوف لأسباب الخيانه سـاس=بأبرّر لـك ولا وافـق معـي تبريـر

تقول تحسّ ..! والله ما معاك احساس=حقيقه بس سامحنـي علـى التأخيـر

بعد ما صاب قلبي من غرامـك يـاس=لزوم اسوق رجلي واذكـرك بالخيـر

لـ ناصر مناحي