0
0
قال الوداع وقلـت بعـده تلاقـي
قال الله العالم وقلت إيـه نرجيـه
قال السموحه يوم حـل الفراقـي
حاولت اقول مسامحك قال وش فيه
اثره يناظـر فـي دمـوعٍ تراقـي
ويقول وش صاير وانا اقول ما فيه
احاول اطلع ضحكتي باستراقـي
لكن كيف اضحك وانا البعد أحاتيه
قال انطق الكلمه تر الوقت ضاقـي
حان السفر نبغى دعاً منك تدعيـه
انا احسبنـي قلـت زاد اشتياقـي
واثر الكلام بداخل الصـدر كاميـه
اثر الكلام يـدور داخـل نطاقـي
وانا احسبني وقفتي معـه احاكيـه
مشى وأنا ضليت يا نـاس باقـي
مشى وانا عيني تناظـر خطاويـه