السلام عليكم ورحمة الله وبركاته
أخواني وأخواتي أعضاء منتدي العجمان ...
... أتشرف بتقديم هذه القصيده المتواضعه
.
واتمنى ان تحوز على رضاكم
هبي علي يا نسمه الشرق ونسانيس الشمال=لي وقفة لابدها لي وقفة لابدها
في خاطري قصيدةٍ ترقى على روس الطوال=من محتواها والهجوس تقدني وأقدها
أصفق بها في جال وتصفق بي على عشرين جال=لكن على ما تشتهي نفسي لزوم أحدها
مدامني شاعر ولي جمهور وبيوتي جزال=بَعدها واصوغها واصوغها واعدها
الوقت موزينا لكن مال الحمول الا الجمال=وحنا جمال كلما زاد الحمول تشدها
صدورنا تاسع بلد وعزومنا مثل الجبال=بدري على الأيام وصدوف الزمان تهدها
لا تضيق وانت من الرجال اللي يضدون الرجال=عوق العدو عون الدخيل اللي سكن في حدها
ياصاحبي وانت المعرب من عمام ومن خوال=رفيق ومثلك فالرجال تودني واودها
أفعالكم تشهد لكم والطيب مايبغي سؤال=ربعي وربعي كلما جات اللزوم تسدها
أستغفر الله ما خلقنا الا علشان الثقال=حتى البحار تهابنا من جزرها لمدها
تشره علي لا ابطيت والا اني قطعت الأتصال=وانا تعبت اجمع كروتك واضيع عدها
لكن علومك وش علوم جنيف يا مال الزوال=واعطيك علم اللي تسولف للعرب من جدها
تنشدني البارح وانا مالي على الهرجه مجال=بغيت اعلم والعرب ما يندرا وش سدها
لا تطول الدعوا ترا مالي على الصبر أحتمال=الكلمه اللي تستحي من قولها لي بدها
ان كان قصدك فالوصل مابه وصل يابن الحلال=الله يلعن نازحات البين ويلعن جدها
والجادل اللي روحت عقب العصر قبل الزوال=راحت وانا في موقفي وش حيلتي واردها
شلون وانا اعدها رصيدي الا راس مال=ياليت نفسي تنعطى من مدتي وامدها
صغيره وربي مكملها ولله الكمال=الزين آيه والوصوف الباقيه في قدها
حتى الصغير اللي ماهو يعرف الا كلمة تعال=يشفق على دناقها ويحبها في خدها
علي الحرام ان أعظم مامرني طول الليال=قفايها وانا اتفكر ماقدرت اردها
وسلاااامة نواظركم