[صوت القلوب]

هذا آخر ما لدي ..

أختي فخر ..



ألحين عشان يصير توعية حول التبليغ عن حالات العنف تجاه الأطفال ..

يبي لش وقت كبييير جدًا ..




وعشان تعلمينهم وتوعينهم بـ الوقت اللي نلجأ فيه للإبلاغ .. يبي لش كذلك وقت كبييير



وعشان يفهمون أولياء الأمور أن أبنائهم هم فلذات أكبادهم ويجب أن يكونوا أحرص الناس

عليهم يبي لش كذلك وقت كبييير ..



أنتي تنادين بـ عقوق الوالدين دون قصد منك ..


ألحين أنا إذا مريت على أبو وولده .. أو أم وبنتها ..

لمحتهم ولفيت وجهي فجأة البزر فاحط .. انا ما شفت وش صار .. وش أسوي ..؟

أبلغ على طول ..؟

زين وإذا البزر مهول .. ويبالغ ..!


يقعدون أولياء الأمور ينتفضون خايفين إنهم بحركة غير مقصودة منهم أو تربوية يتم الإبلاغ عنهم

وين احترامهم ..؟

بروحهم العيال يالله لك الحمد عاقين .. بعد نعطي الإشارة الخضراء من قبل المؤسسات بأن

الحق لهم .. والآباء يجيبون .. ويخلون التربية على عيالهم .. لأن العيال صاروا يمدون إيدهم

بدون شي على آبائهم ..


قليلة هي الحالات التي تتعدى حدود التربية وصولاً إلى التعذيب ..

ولو كانت هذه الأماكن مفعلة (قبلًا) حول هذه القضية كنت بلغت على إمرأة

باختصار خلت بنتها (مجنونة) ..!


البنت هذه كانت معنا من أيام الإبتدائية ..

وكانت مطاردات ورانا في الفرص ..

ولما أكون ميتة عطش وأجي بشرب ماي وهي موجودة أعيف الماي ..


المهم بأولى متوسط جات بصفي ..

ومرة من المرات كنا قاعدين جنبها .. ورفعت ثوبها تورينا رجولها ..

وربي خطوط خضر وبنفسجية ..

قلنا من شنو ..؟

قالت : أمي ..

طيب ليش ..؟


قالت : عشاني ماخذه (طماطتين=دويحتين) ..!


الله يعينها .. علامات الضرب وكأنها كانت مضروبة بـ هوز ..

أو عصاية خشب ..


هذه حالة لا يمكن أن أنساها .. بس ليس كل من يستخدم الضرب .. يعتبر ضربه تعذيب


يا أمي .. ألحين .. هم تربوا كذا وحاطين في بالهم إنه دام ما أثر فيهم ما راح يأثر على عيالهم..؟

طرق التربية أساسها ما تربوا هم عليه ..؟


لا يمكن لمن تربى على القسوة أن يكون حنونًا إلا من رحم ربي ..