والله لـــو الغـــلا مــا ســـاقني يـــمك
مـا جيتــك أنشـــد ولا وقفــت قــدامك
*
يـا لعنبــو حــي مــن جــابك ولاهـــمك
تغيــب عنــي وأنـا أعــدد لـك أيــامك
*
يـا قـــو قلبــك عـلي ويـا ثقـــل دمــك
تضحــك ودالــه وأنا مجــنون بهيــامك
*
أنا اشــهد أنك شحيـح بوصلك وجــمك
جمـــك محيـــمه وطرشـي ورد حيــامك
*
أصـوم وأفطر على شـوفتك وإن غـمك
تقـــول محــد ٍ حــداك تفجـــر صيـــامك
*
حــــرام بالله منـــت بمســــلم وخـــــمك
شيطــانك اللي حــداك تضيــع إسـلامك
*
داخــل على الله وأبــوك وخـالك وعمك
وأدخل على أمك وأخوك ومنهم حزامك
*
أمــا تقــول الغــلا يا شــوق مــن يــمك
والا تقــول الغــلا مـاهــو مــن أحــلامك
*