السلام عليكم ورحمة الله وبركاته
صبحكم الله بالخير
ياللي سكنت بداخلي وستقريت
,,,,,,,,,,,,,,,,,,,,,,,,,,,,الحب ماهو ياجميل اختياري
انا بحبك ياحبيبي تبليت
,,,,,,,,,,,,,,,,,,,,,,,,,,,وماكنت اصدق ان حبك تجاري
لينك سكنت بداخلي وسترديت
,,,,,,,,,,,,,,,,,,,,,,,,,,والشوق يالمحبوب غصب اضطراري
والحب بلوى ياحلوو لا به بليت
,,,,,,,,,,,,,,,,,,,,,,,,,,, وانا بحبك سرة رجل انتحاري
بعد حبيبي من غلاتك تقهويت
,,,,,,,,,,,,,,,,,,,,,,, اخضرت بصدري جميع الصحاري
والظاهر انك مانت عالم ولادريت
,,,,,,,,,,,,,,,,,,,,,,,,,,وانا بشوقك كنت اراهن وماري
اهلاً هلا بك كل ماصبحت ومسيت
,,,,,,,,,,,,,,,,,,,,,,ترحيبة(ن) من طيب ماهي جباري
عداد ماتسجد لربك وصليت
,,,,,,,,,,,,,,,,,,,,,,,,,,عداد ماروي بصحيح البخاري
وعداد مافوقك من الشوق حنيت
,,,,,,,,,,,,,,,,,,,,,,,,,,وعداد ماباحت لحو ن القماري
من حيث ما وجهة وجهي ولقيت
,,,,,,,,,,,,,,,,,,,,,,,,,, لا زارررني طيفك يغير مساري
يازين انا من كثر ماهواك وليت
,,,,,,,,,,,,,,,,,,,,,, والبحث عن غيرك ترى غير جاري
ياما علا وصلك شفقت وترجيت
,,,,,,,,,,,,,,,,,,,,,,,,,, وانت اللذي هدمة قبت مناري
أرحم حبيبك يالغلا لاتوليت
,,,,,,,,,,,,,,,,,,,,,,,,,وحاول ترجع فى الغرام اعتباري
ياماعلا شوفك ولهت وتمنيت
,,,,,,,,,,,,,,,,,,,,,,,,,,,ويفز لك قلبي على كل طاري
ياماسرحت بوسط قلبي وفليت
,,,,,,,,,,,,,,,,,,,,,,,,,والصدق من حبك من الكذب عاري
وان كان عني ياهو البال قفيت
,,,,,,,,,,,,,,,,,,,,,,,طال بهوى شوقك صعيب أن تضاري
عزالله اني في غرامك توهيت
,,,,,,,,,,,,,,,,,,,,,,,,,ولليلي حبيبي فيك ساوا نهاري
وانت اللذي من ماطر الشوق شديت
,,,,,,,,,,,,,,,,,,,,,,,,,,,,, وانا عليك اطوي بعيد المساري
وش لون ياعمري عليه تجريت
,,,,,,,,,,,,,,,,,,,,,,,,,وابعدت عني بعد مانته جواري
وانا حبيبي في غلاتك ماشكيت
,,,,,,,,,,,,,,,,,,,,,,,ولا يوم من حبك طفت منك ناري
يامرحبا يازين لان رحت وان جيت
,,,,,,,,,,,,,,,,,,,,,,, منك على صدري تدق الطواري
لن جيتني يازين عنك ماصديت
,,,,,,,,,,,,,,,,,,,,,,,,يلي غلاك يلدني عن مساري
وعن غير زولك ماشقيت وتشقيت
,,,,,,,,,,,,,,,,,,ماشقاني الا اسلوبك اللي حضاري
ماتدري اني شاعراً ذايع الصيت
,,,,,,,,,,,,,,,,,,,,,وأجزل بيوت الشعر صوغ ابتكاري
وبالشعر في راسي جنون وعفاريت
,,,,,,,,,,,,,,,,,,,,,,,, تخز صدري مثل خز الشباري
وش عاد لو بسليم ربعي تعزويت
,,,,,,,,,,,,,,,,,,,,,,,,,,,, مقر مصدر عزتي وافتخاري
حبيتني يازين ولا تغليت
,,,,,,,,,,,,,,,,,,,,,,,,قد ذاقها قبلي غليس ومكاري
بدعيلك الله كل ماني توضيت
,,,,,,,,,,,,,,,,,,,,,,, يسعدك وقبل يالغلا أوفا أعتذاري
الشاعر : محمد الجبريني
وسلامتكم