[العجمي تيم]

ياشين طبع(ن)فيك يازين الاطباع@@لولا الرجا ماكان خليته يفوت
سنع يشوه لاتذكرته اسناع@@مثل الحصاة اللي وسط عقد ياقوت
تخفي هيامك وانت ميت وملتاع@@ماتدري انه في ملامحك منحوت
ويبخل لسانك وانت للسمع طماع@@والبخل في سلم المحبين ممقوت
الحكي قوت السمع واسماعي جياع@@ومسامعي ماتت من الجوع للقوت
وحكي الغزل في صدرك اشكال وانواع@@لاكن صمتك حول الصدر تابوت
الا طلبتك وصل صعبات الاوضاع@@مدري من اللي درسك جعله يموت
تصد ماكنك من الصد مرتاع@@وان قلت:يالقاطع تلفت مبهوت
اقطع بدرب مواصلك في الشهر باع@@ولاانت تقطع للوصل فالسنة فوت
طعني وطاوع واحد(ن)فيك ماطاع@@ناس(ن)صغار عقول واشوار وبخوت
والطف بحال اللي نحل حاله وراع@@قلب(ن)جروحه تنزف افكار وبيوت
قلبي الا منه شرى قلب ماباع@@وانت هالله هالله فيه والعمر موقوت
اسمع اشعاري في الهوى وارخ الاسماع@@ياللي غلاك بتربة القلب مكتوت
لاللفراق ولالتجديد الاوجاع@@ونعم نعم للوصل لو كان بالصوت

وسلامتك
مثل ماوعدتكم وباقي
هذي درة من درر ابن فطيس
واتمنى انها تعجبكم